I vendosën njeriut zemër derri, zbulohet sekreti që bëri të mundur transplantin e zemrës

Një 57-vjeçari në SHBA i është bërë një transplant zemre, me organin e ri që është marrë nga një derr i modifikuar gjenetikisht, një procedurë që zhvillohet për herë të parë dhe duket se i jep shpresë qindra mijëra personave që vuajnë nga sëmundjet e zemrës.

Kjo shënoi një arritje në fushën e kirurgjisë por po dalin detaje për procedurën e përdorur.

Muhammad Mohiuddin, drejtori i ekipit që për 8 orë rresht kreu operacionin e rrallë, ka zbuluar se një nga sekretet e këtij suksesi ka qenë një substancë që zakonisht shihet si një element vdekjeprurës për zemrën.

Behet fjalë për kokainën, e cila është përdorur në një koktej ilaçesh të ideuar nga kompania suedeze XIVO se bashku me përbërës si kortizoli dhe adrenalina, duke mundësuar kështu pranimin e organit të huaj nga organizmi i pacientit.

Ende nuk dihet arsyeja pse kokaina ka këtë efekt në transplantin e një organi të tillë.