Shqiptarja shtatzënë në Itali pëson sulm kardiak, pas operacionit sjell në jetë fëmijën e nëntë

Një grua shqiptare ka sjellë në jetë fëmijën e saj të nëntë.

Gruaja e solli në jetë fëmijën në kushte jonormale pasi që asaj iu deshtë të kryente një operacion urgjent.

Mediat e huaja raportojnë se shqiptarja u operua në zemër, pas një ataku të rëndë dhe solli në jetë vajzën e saj 2 mijë e 430 kilogramë.

Rasti ka ndodhur në Salerno, Itali.

Ajo lindi një vajzë dhe e kishte shtatzëninë e saj të gjashtëmbëdhjetë, me nëntë fëmijë të lindur dhe shtatë aborte.

Pas operacionit pacientja u stabilizua nga pikëpamja kardiologjike dhe u transferua në Departamentin e Rrezikut të Shtatzënisë, drejtuar nga doktor Mario Polichetti, i cili së bashku me doktor Francesco Marino, Drejtor i Obstetrikës dhe Gjinekologjisë Spitalore, kryen një prerje cezariane për të lejuar lindjen e foshnjës së saj, raporton Top-Channel.

Tashmë nënë e bijë janë në gjendje të mirë, të dyja dëshmojnë se bashkëpunimi i papritur mes mjekëve, profesionalizmi i secilit prej tyre, mund të shpëtojë shumë jetë.