Rose Bentley, është gruaja që jetoi deri në moshën 99- vjeçare edhe pavarësisht faktit që të gjitha organet e saj ishin në vendin e gabuar, shkruan The Independent.

Kur ajo kishte ndërruar jetë në vitin 2017, trupi i saj me leje ishte dhënë për studim. Gjatë një ushtrimi që po mbanin studentët e mjekësisë ata vërejtën, që organet e gruas ishin në vende jo të rregullta dhe se ajo kishte vuajtur nga një çrregullim i quajtur – situs inversus.

Kjo çrregullësi e organeve është shumë e rrallë dhe është prezente në vetëm 1 në mesin e 50 milion personave, duke shkatuar që këta persona të kenë mëlqinë, lukthin dhe organet e tjera abdominale të pozicionuara në anë të djathtë. “Ishte interesante ta mësojmë jo vetëm renditjen e rregullt anatomike të organve por edhe çrregullimet anatomike që mund të paraqiten tek njerëzit”, tha një nga studentët që kishte parë këtë rast, transmeton Express.

Fëmijët e gruas 99- vjeçare kishin thënë se askush nuk e kishte ditur që ajo vuante nga një çregullim i tillë. “Nëse do të ishte gjallë, ajo do të mendonte se kjo është e lezetshme dhe do të ndihej e veqantë”, thanë fëmijët e saj.

Situs inversus- është një çrregullim gjenetik i paraqitur si rezultat i trashëgëmisë autozomale recesive. Përderisa njerëzit me këtë çrregullim nuk kanë ndonjë problem shëndetësor, apo organet e tyre nuk janë të pozicionuara në atë formë që mund t’a dëmtojnë njëra tjetrën atëherë kjo gjendje nuk paraqet ndonjë rrezik.