Josephine Myrtle Corbin ishte një vajzë e zakonshme. Thonë se ishte shumë e zgjuar dhe e talentuar në muzikë.

Kur Joseffin lindi  ishte pak më e rëndë se një fëmijë mesatar. Megjithatë, foshnja ishte e fortë dhe e dobët. Ajo u rrit në një ritëm normal, duke u ushqyer me gji dhe duke u rritur si fëmijët tjerë normalë. Përjashtimi i vetëm i vogël që e bënte këtë vajzë të ishte ndryshe  ishte fakti se ajo kishte katër këmbë. Këmbët nga pjesët “e jashtme” ishin të forta dhe “normale”, në të cilat Mertl ecte, ndërsa këmbët e brendshme ishin version më i vogël, më i hollë dhe më i shkurtër i këmbëve të vërteta. Mjekët, duke mos ditur për diagnozën e vërtetë, mendonin gjithçka, transmeton Reporteri.net

Në 1882, kur ishte 13 vjeç, Corbin filloi të performonte nën titullin “Vajza me katër këmbë në Teksas”. Kjo ndodhi pasi fqinjët kurreshtarë filluan të paguanin për të parë këmbët e saj, kështu që babai e kuptoi se kjo ishte mënyra ideale për të bërë ca para. Ai filloi të shtypte fletëpalosje në të cilën mund të shkruante ku mund të vinin për të parë vajzën. Broshurat promovuese e përshkruanin si “një vajzë të butë që rrezaton si dielli”. Ajo u bë shumë e popullarizuar dhe shumë shpejt filloi të shkonte nëpër mini turne. Ajo  vizitoi qytete të tëra  ku performonte për audiencën. Fitonte rreth 450 dollarë në javë. Pastaj një biznesmen i famshëm, filantrop dhe politikan P.T. Barnum, i cili e vendosi atë në “flotën” e tij të njerëzve të çuditshëm dhe të pazakontë. Ajo ka punuar për Barnum për katër vjet.

Në moshën 18 vjeç, Myrtle Corbin u tërhoq nga biznesi. Ajo u takua me nëpunësin me emrin Clinton Biknel dhe ranë në dashuri. Në moshën 19 vjeçare tashmë ishte e martuar.

Një vit më vonë, në vitin 1887, ajo zbuloi se  ishte shtatzënë. Fillimisht u ankua për dhimbje, temperaturë, dhimbje koke dhe mungesë oreksi. Pavarësisht nga anatomia unike, mjekët ishin të bindur se ajo mund ta përballonte shtatëzëninë. Por, në përpjekjen e parë, gjërat u shuan keq, dhe pas tremujorit të parë, iu desh të abortojë për shkak se Myrtle u sëmur rëndë.

Megjithatë, më vonë ajo lindi katër fëmijë krejtësisht të shëndetshëm. Jeta e saj ishte relativisht normale edhe pse ajo shpesh u përmend në literaturën mjekësore. Pjesën tjetër të jetës  jetoi në heshtje në shtëpinë e saj në Teksas.

Myrtle vdiq në vitin 1928, pas inflamacionit të lëkurës të shkaktuar nga streptokoku. Megjithëse antibiotikët sot do ta trajtonin pa problem këtë sëmundje, në atë kohë kjo ishte një diagnozë serioze. Ajo u varros më 6 maj 1928, dhe vendi i saj i varrosur u çimentua. Anëtarët e familjes qëndronin mbi varre në ndërrime derisa çimentoja u tha tërësisht. Dyshohej se dikush mund ta vidhte trupin e saj të vdekur veçanërisht pasi shumë mjekë ofruan para të mëdha për trupin e “vajzës me katër këmbë në Teksas”. /Reporteri.net