×
  • Extra
  • Extra

    Ndodh një gabim në bankë, 30 mijë punëtorë në Cyrih marrin gabimisht dy herë pagën e shkurtit

    Reporteri
    27 Shkurt 2024 | 8:03

    Qyteti zviceran i Cyrihut pagoi gabimisht punonjësit e tij dyfishin e pagës së tyre për muajin shkurt, sipas mediave lokale.

    Rreth 30 mijë punëtorë kanë marrë dy paga, dhe gabimin e ka bërë Banka Kantonale e Cyrihut (ZKB), shkruan Swissinfo.

    Autoritetet lokale deklaruan se ZKB bëri një gabim teknik dhe se administrata e qytetit bëri gjithçka në rregull.

    Këtë e kanë shkruar në një deklaratë të përbashkët të hënën pasdite qyteti i Cyrihut dhe Banka Kantonale. Aktualisht banka po heton se si ka ndodhur rasti.

    Portali zviceran thekson se zyrtarët e qytetit “nuk kanë çfarë të festojnë”, pasi janë të detyruar të kthejnë rrogën e dytë të paguar gabimisht.

    Vlera e pagave të dyfishta është rreth 200 milionë dollarë, dhe autoritetet e qytetit dhe ZKB aktualisht po punojnë për ta bërë shlyerjen sa më të thjeshtë.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!