Me siguri keni dëgjuar shumë shpesh shprehjen “Unë dua ta ndryshoj botën” ose “Unë dua të lë gjurmë”, por për shumë veta është vetëm një klishe. Por në rastin e personave të lindur në shenjën e Bricjapit, ky është qëllimi i jetës, dëshira me të cilën lindin dhe që vdesin deri në frymën e fundit. Jeta e tyre qysh nga fëmijëria është e vështirë. Në fëmijëri, ata ndeshen me situata të rënda që i detyrojnë ata të rriten dhe të mësojnë, transmeton Reporteri.net.

Bricjapët janë në gjendje të durojnë më shumë sesa mund ta imagjinojnë. Me kalimin e kohës, ata mësohen të jetojnë me një barrë në shpinë, por kjo nuk i pengon ata në rrugën drejt qëllimeve të tyre. Ata janë miq shumë besnikë dhe bëjnë gjithçka për të ndihmuar personin që duan, por edhe personat tjerë që kanë nevojë për ndihmë.

Pikërisht për shkak se në moshë të hershme përballen me vuajtjen dhe situatat e vështira, personat a lindur në shenjën e Bricjapit, asnjëherë nuk injorojnë dhimbjen e tjetrit.

Gratë në shenjën e Bricjapit janë bashkëshortet më të mira të cilat gjithmonë janë të përqëndruara në mirëqenien e familjes së tyre. Megjithëse nuk e pranojnë, ato preferojnë burra mbrojtës që u japin atyre siguri, përndryshe bëhen shumë dominuese.

Burrat e lindur në këtë shenjë, në shikim të parë  duken shumë të ftohtë, por në të vërtetë ata janë shumë të ndjeshëm. Edhe pse janë karrieristë të vërtetë, familja është gjithmonë në vendin e parë.

Bricjapët janë miq të mëdhenj, të cilët në shoqëri gjithmonë shkëlqejnë pavarësisht se njihen si persona më të tërhequr.

Në tërësi, Bricjapët lënë një gjurmë kudo që shfaqen, dhe pa ta, bota nuk do të ishte në asnjë rast i njëjti vend. /Reporteri.net