Verë e bardhë në vend të ujit për të përgatitur qumësht pluhur për nipin e saj katër muajsh.
Një gabim, sipas hetuesve, ka bërë një gjyshe nga Francavilla Fontana, në provincën e Brindisit në Itali, që fëmija të përfundojë në koma alkoolike. I shtruar në terapi intensive në spitalin pediatrik të Barit, gjendja e tij po përmirësohet lehtë, raportojnë mediat italiane.
Ajo që e bëri gjyshen të dyshonte ishte refuzimi i vogëlushit i cili pas gllënjkave të para pushoi së piri duke refuzuar shishen.
Në atë moment gruaja do ta kishte kuptuar se nuk e kishte përzier qumështin pluhur me ujin. Ajo që e bëri atë të gabuar ishte ngjyra e errët e shishes në të cilën ndodhej vera.
Menjëherë pasi ka kuptuar gabimin, gjyshja ka njoftuar nënën e fëmijës e cila e ka dërguar fëmijën në urgjencën e spitalit Perrino në Brindisi, ku megjithatë ka mbërritur në gjendje kome të shkaktuar nga alkooli.
Duke iu nënshtruar pastrimit të stomakut, ai u intubua dhe u transferua me urgjencë në spitalin pediatrik në Bari, ku u shtrua në repartin e terapisë intensive. /Reporteri.net/