×
  • Extra
  • Extra

    Një megaqendër tregtare e frymëzuar nga natyra në Dubai

    Reporteri
    28 Maj 2019 | 16:51

    Dubai është i famshëm për qendrat gjigante tregtare, por tani kërkon të krijojë një të tillë, e cila të jetë e gjallë e të marrë frymë.


    Si mund të ndodhë kjo? Përmes një kopshti botanik, i cili do të jetë në zemër të kompleksit me sipërfaqe gati 20 mijë metra katrorë.

    “Cityland Mall”, me vlerë 400 milionë dollarë, konsiderohet si destinacioni i parë i blerjeve në botë që frymëzohet nga natyra.

    Parku do të ketë përrenj dhe ishuj, pemë të rralla e kopshte me lule. Bizneset që do të rrethojnë hapësirën e gjelbër do të kenë edhe një shtresë të dytë pemësh e kopshtesh në çatitë e tyre.

    “Gjelbërimi do të shtrihet në një gjithë kompleksin”, thotë Fahimuddin Sharfuddin, drejtor ekzekutiv i “Cityland Group”.

    Njerëzit, sipas tij do të kenë mundësi të shohin dyqanet, e ndërkohë edhe të shëtisin në mesin e atyre që i përshkruan si “mure të gjelbra të gjalla”.

    Qendra e rrallë tregtare do të jetë shtëpi e më shumë se 300 bizneseve, restoranteve e ambienteve të argëtimit. Konkurrenca, sipas analistëve të tregut, nuk ka për të qenë e vogël, megjithatë “Cityland” mund të avantazhohet nga fakti që do të ngrihet pranë lagjesh të reja në zhvillim.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!