Jordania ka vendosur të bllokojë aplikacionin e mesazheve Telegram, në kuadër të masave për të parandaluar përhapjen e ekstremizmit dhe radikalizimit përmes platformave dixhitale.

Sipas Drejtorisë së Sigurisë Publike, vendimi synon forcimin e sigurisë dixhitale dhe parandalimin e aktiviteteve të paligjshme online, përfshirë krimin kibernetik, kërcënimet, shantazhin dhe përhapjen e përmbajtjeve ekstremiste.

Autoritetet nuk kanë bërë të ditur se sa do të zgjasë bllokimi dhe as nëse masa lidhet drejtpërdrejt me një incident të caktuar.

Reklamë

Megjithatë, vendimi vjen pas sulmit të 23 tetorit ndaj pjesëmarrësve në një funeral në një kishë ortodokse greke në provincën e Karakut, ku humbën jetën nëntë persona dhe u plagosën 34 të tjerë.

Të dielën, Gjykata e Sigurisë Shtetërore dënoi me vdekje tre persona, të shpallur fajtorë për organizimin dhe kryerjen e sulmit.