Shkencëtarët kanë zhvilluar një test gjaku që mund të parashikojë predispozitat për vdekje në 10 vitet e ardhshme.

Një ekip shkencëtarësh në Gjermani pasi analizuan të dhënat e 44 mijë njerëzve, zbuluan 14 tregues në gjak që duket se ndikojnë në rrezikun për vdekje.

Këta tregues lidhen me gjithçka, që nga imuniteti deri tek kontrolli i glukozës, kolesterolit dhe inflamacioni, shkruan Daily Mail, përcjell Reporteri.net.

Pas kryerjes së një testi të këtyre treguesve, doli që rezultatet ishin 83% të sakta në parashikimin nëse dikush do të vdiste në 2-16 vitet e ardhshme.

Shkencëtarët shpresojnë që rezultatet e këtij studimi mund të çojnë në zhvillimin e një testi gjaku që një ditë mund të përdoret si udhëzues për trajtimin e pacientëve.

Ekspertët e kanë cilësuar këtë studim si ‘hap nxitës’, megjithatë theksojnë që duhet të kryhen më shumë studime derisa ky test të mund të përdoret në ‘jetën reale’. /Reporteri.net/