Një punonjës financiar në Mbretërinë e Bashkuar vodhi 90,000 euro nga llogaria e një klienti të vdekur për të financuar një mënyrë jetese luksoze, por u kap falë postimeve të së dashurës së tij në rrjetet sociale.

Corey Casagrande, 37 vjeç, i përdori paratë e vjedhura për lojëra të fatit dhe pushime të shtrenjta për të cilat e dashura e tij mburrej në rrjetet sociale.

Babai i tre fëmijëve ka punuar si drejtues ekipi në Target Financial Services , i cili ofron një sërë shërbimesh për emra të mëdhenj si BBC, Barclays dhe Credit Suisse.

Gjatë hetimit të brendshëm është kontrolluar llogaria në Facebook e të dashurës së tij Gemma Connor, e cila gjithashtu punon për kompaninë.

Gjykata tha se ajo dyshohet se ka shpenzuar shuma të mëdha parash dhe ka bërë një mënyrë jetese luksoze.

Ajo publikoi foto nga pushimet e shtrenjta dhe këpucët e stilistëve, shkruan Daily Mail.

Gjykata mësoi se Casagrande ishte një njohës i “sofistikuar” i sistemeve të brendshme të kompanisë dhe përdorte dokumente të rreme nga avokatë të vërtetë për të vjedhur para nga klientët e vdekur.

U zbulua se 75,000 funta (90,000 euro) ishin marrë nga tre llogari të ndryshme që i përkisnin klientëve të vdekur të Credit Suisse.

Casagrande u deklarua fajtor për mashtrim për veprat që ndodhën në vitin 2020.

Ai u dënua me 20 muaj me kusht dhe u urdhërua të kryente 80 orë punë pa pagesë. /Reporteri.net