Pas demantimit nga Presidenca se Lëvizja Vetëvendosje i kishte ofruar presidentes Vjosa Osmani nënshkrimet për një mandat të ri, shefja e Grupit Parlamentar të Vetëvendosjes, Arbërie Nagavci, deklaroi se kjo parti që sot i garanton këto nënshkrime.
“Zonjës Learta, që e njoh personalisht, sot i garantoj nënshkrimet e deputetëve. Nëse themi që nuk është e vërtetë, unë jam e gatshme që të garantoj në emër të Lëvizjes Vetëvendosje ofrimin e nënshkrimeve për të vazhduar garën,” tha Nagavci.
Ndërkaq, Learta Hollaj nga Presidenca theksoi se presidentes Vjosa Osmani nuk i janë ofruar nënshkrimet as përkrahja nga Lëvizja Vetëvendosje.
“Presidentja Osmani demanton se i janë ofruar nënshkrimet dhe përkrahja nga Lëvizja Vetëvendosje për rizgjedhje si Presidente e Republikës së Kosovës. Kjo është gënjeshtër!”, ka shkruar Hollaj.
