Deputetja e Lidhjes Demokratike të Kosovës, Jehona Lushaku, ka kritikuar kryeministrin për, siç tha ajo, refuzimin për të dorëzuar ekzekutivin, edhe pse, sipas saj, kjo është e përcaktuar me ligj dhe e kërkuar nga Gjykata Kushtetuese.
“Kemi ligje që e specifikojnë dorëheqjen e ekzekutivit. Detyrat tona i kemi përfunduar – ajo tashmë është pjesë e gjyqësorit. I kemi dorëzuar të gjitha dokumentet që dëshmojnë se kjo qeveri nuk po respekton obligimet e veta”, tha Lushtaku.
Ajo akuzoi kryeministrin për mungesë respekti ndaj rendit kushtetues dhe mungesë gatishmërie për t’iu përgjigjur institucioneve të drejtësisë.
“Ai nuk dëshiron ta dorëzojë ekzekutivin. Ky është problem shumë i madh kur udhëhiqesh nga një njeri që nuk dëshiron t’i përgjigjet Kushtetutës. Nuk e kupton parimin bazik të demokracisë”, shtoi ajo.
Në lidhje me votimin për kryetarin e kuvendit, Lushtaku theksoi se në emër të transparencës, çdo deputet ka të drejtë të vendosë vetë.“Në emër të transparencës, secili deputet është i lirë të votojë”, përfundoi deputetja e LDK-së.
