Familja Haradinaj nga Gllogjani i Deçanit, ka vite që është njëra nga familjet më të përfolura në vendin tonë, ajo është shquar në vazhdimësi gjatë dekadave të fundit për aktivitetet kombëtare.
Një familje e madhe, e cila njihet për trimëri dha dy dëshmorë të kombit, Luanin dhe Shkëlzenin, kurse pas luftës në rrethana ende të pa qarta u vra edhe Enver Haradinaj.
Vëmendja e madhe mediatike kalon tek e gjithë familja, ani pse nuk janë fytyra publike duke i veçuar kryeministrin, Ramush Haradinaj dhe deputetin Daut Haradinaj.
Për të parë diçka më shumë jashtë politikës rreth kësaj familje është përkujdesur Dauti, i cili sot ka publikuar një fotografi të veçantë të pasardhësve të familjes Haradinaj, që gjithsej janë 19 fëmijë.
“Nipat dhe mbesat e Hilmisë”, është mbishkrimi që Dauti e ka lënë në këtë fotografi.
