Të mërkurën mbrëma rreth orës 23:30, në rrugën “1 Tetori” në Prishtinë, policia ka arrestuar tre persona të dyshuar për disa vjedhje të rënda si dhe ka sekuestruar një çantë me gjësende të dyshuara (maskë, doreza, kaçavida, armë të ftohta thika etj.), shkruan Reporteri.net.

Rastet (19 raste vjedhje të rënda) për në cilat ekziston dyshimi i bazuar se janë të përfshirë këta persona, kanë ndodhur në intervale të ndryshme kohore, (në markete, kopshte fëmijësh, lokale, etj.) kryesisht në zonën e rajonit të Prishtinës.

“Personat e arrestuar: G.C., mashkull, 18 vjeç, K.A., mashkull, 18 vjeç dhe F.B., mashkull, 17 vjeç, qw tw tre shtetas tw Republikës së Kosovës, me urdhër të prokurorit pas intervistimit nga hetuesit e stacionit policor Qendra në Prishtinë, janë dërguar në qendrën e mbajtjes, ku aktualisht hetuesit po kryejnë të gjitha veprimet e nevojshme hetimore e procedurale lidhur me rastet në fjalë”, thuhet në njoftimin e policisë.

Lidhur me rastet e njëjta, hetuesit kanë arrit të identifikojnë edhe dy persona të tjerë të dyshuar që aktualisht ndodhet në arrati. /Reporteri.net/.