Ambasadori amerikan, Jeffrey Hovenier sot para mediave ka folur edhe për përgjimet e fundit të shefes së Grupit Parlamentar të VV-së, Mimoza Kusari-Lilës me ish-deputetin e Listës Serbe, Slavko Simiq, ku përmendet edhe Milan Radojiçiqi.
Ambasadori Hovenier i pyetur nga gazetarët lidhur me këtë, nuk ka komentuar shumë, por ka thënë se liderët politikë në Kuvend kanë komunikim me të gjitha palët, por duhet ditur se Radojiçiqi është në listën e zezë të Shteteve të Bashkuara të Amerikës.
“Nuk mund të flas shumë për këtë, liderët politikë në Parlament kanë komunikim me të gjitha palët. Por Radojiçiq ju e dini se është në listë të zezë të ShBA-ve”, tha ai.
Ai gjithashtu ka folur edhe për veriun e Kosovës, ku ka thënë se ShBA-ja dëshiron koordinim.
Hovenier ka thënë se ShBA-ja dëshiron që Kosova t’i arrijë qëllimet e veta e se e mbështet një Kosovë demokratike dhe sovrane.
“Do të thosha që SHBA-ja mbetet e përkushtuar siç ka qenë gjithmonë që ta shohë Kosovën duke arritur qëllimet e veta. Ajo që dua të them është se ne jemi prapa një Kosove sovrane, të pavarur, multietnike demokratike që zë vend në strukturat evropiane e euroatlantike. Po bëjmë punë të madhe për këtë. Kjo po ashtu nënkupton që Kosova ta ushtrojë sovranitetin e saj. Veriu është i komplikuar dhe i vështirë dhe mënyra se si Qeveria e Kosovës menaxhon situatën është shumë e ndjeshme dhe duam të jetë shumë e koordinuar me aleatët ndërkombëtarë që të shmangin momentet e krizës që pengojnë rrugën tonë të gjatë për të arritur këtë qëllim të përbashkët”, ka thënë ai.
Hovenier: Menaxhimi i veriut është i ndjeshëm, prandaj duam koordinim
Shoqëria civile po proteston para Kuvendit të Kosovës, pak para seancës ku për herë të 45-të do të tentohet konstituimi i legjislaturës së nëntë.
“Boll ma”, “Për çka ju kena zgjedhë?”, “120 rroga pa përgjegjësi”, thuhet në disa nga pankartat e tyre.
Kjo është e disata herë që shoqëria civile proteston para Kuvendit të Kosovës. /Reporteri.net/
Bilal Kqiku, njëri prej të dyshuarve për vrasjen e kryer në mars të vitit 2024 në Kolovicë, duke tentuar t’i ikë arrestimit të Policisë së Kosovës ka rënë nga kati i katërt i një ndërtese në Lagjen e Spitalit në Prishtinë.
Ai tashmë ndodhet në Emergjencën e QKUK-së në gjendje të rëndë, shkruan Gazeta Online Reporteri.net.
Kqiku ishte në arrati që nga marsi i vitit 2024, pasi ndaj tij ishte lëshuar urdhër-arrest për veprën penale “vrasje e rëndë”.
Ngjarja për të cilën kërkohej kishte ndodhur më 26 mars të atij viti, ku pas një konflikti mes dy grupeve kriminale në Kolovicë, mbetën të vrarë Egzon Haziri dhe kalimtarja e rastit, Zejnie Gashi.
Sipas Prokurorisë, vëllezërit Ahmet dhe Naim Berisha kishin hapur zjarr ndaj një veture në të cilën ndodheshin Egzon Haziri, Bilal Kqiku, Lum Halimaj dhe Kaltrim Gashi. Haziri kishte vdekur në vend, ndërsa Kqiku ishte lënduar në këmbë dhe në dorë. Pas këtij sulmi, të dyshuarit Halimaj, Kqiku dhe Gashi kishin kthyer zjarrin në drejtim të veturës së vëllezërve Berisha, por gjatë shkëmbimit të zjarrit u vra edhe një grua 48-vjeçare, që gjendej pranë shtëpisë së saj.
Nga përplasja me veturë gjatë tentimit për t’u larguar nga vendi i ngjarjes, ishte lënduar edhe Lum Halimaj. Për këtë rast, Prokuroria kishte ngritur aktakuzë për “vrasje të rëndë” ndaj Halimajt, Gashit dhe Kqikut.
Kqiku nuk ishte i panjohur për drejtësinë. Ai akuzohej edhe për përfshirje në trafikim me narkotikë. Sipas një aktakuze të vitit 2018, më 11 dhjetor të atij viti, ai ishte kapur nga policia në një veturë bashkë me dy persona tjerë, ku ishin sekuestruar gjithsej 110.4 gramë marihuanë. Rasti kishte ndodhur në Fushë Kosovë, pranë një pompe derivatesh.
Për këtë rast, ai ngarkohej me veprën penale “blerja, posedimi, shpërndarja dhe shitja e paautorizuar e narkotikëve”.
Bilal Kqiku, njëri prej të dyshuarve për vrasjen në mars të vitit 2024 në Kolovicë, duke tentuar t’i ikë arrestimit nga Policia e Kosovës ka rënë nga kati i katërt i një ndërtese në Lagjen e Spitalit në Prishtinë.
Ai është në gjendje të rëndë në QKUK. Këtë e ka konfirmuar për Gazetën Online Reporteri.net, drejtori i Emergjencës, Naser Syla, i cili tha se pacientit po i kryhen ekzaminimet e nevojshme.
“Është duke u trajtuar tek ne, është politraumë në gjendje të rëndë. Janë duke u kryer ekzaminimet. Gjenjda është e rëndë definitivisht.”, tha ai.
Bilal Kqiku akuzohet nga Prokuroria për vrasje të rëndë.
Ai kishte urdhërarresti ndërkombëtar e vendor.
Bilal Kqiku, njëri prej të dyshuarve për vrasjen në mars të vitit 2024 në Kolovicë, duke tentuar t’i ikë arrestimit nga Policia e Kosovës ka rënë nga kati i katërt i një ndërtese në Lagjen e Spitalit në Prishtinë.
Ai është në gjendje të rëndë në QKUK.
27 vjeçari ka pasur urdhërarrest ndërkombëtar dhe vendor.
Policia e Kosovës ka bërë të ditur se Kqiku në përpjekje për t’iu shmangur arrestimit policor, ka rënë nga një lartësi dhe për pasojë ka pësuar lëndime trupore.
“Sot rreth orës 20:30, në lagjen e Spitalit në Prishtinë, një person ka rënë nga lartësia e një ndërtese. Bazuar në informacionet e para nga vendi i ngjarjes, i dyshuari i cili po kërkohej me urdhër-arrest vendor dhe ndërkombëtar, për veprën penale vrasje e rëndë, në përpjekje për t’iu shmangur arrestimit policor, ka rënë nga një lartësi dhe për pasojë ka pësuar lëndime trupore.”, ka njoftuar Policia.
Sipas njoftimit atij i është ofruar tretmani mjekësor, për tu transferuar më pas në QKUK.
“Aktualisht policia, në bashkëpunim me akterët e tjerë përkatës, janë duke ndërmarrë të gjitha veprimet e nevojshme për zbardhjen e plotë të rrethanave të ngjarjes.”, thuhet në njoftim.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
