Një pilot ka humbur jetën gjatë rrëzimit të një avioni luftarak F-16, që i përkiste ekipit “Demo Tiger” të Forcave Ajrore Polake.
Avioni F-16 po bënte prova për një shfaqje ajrore në Radom. Një zëdhënës i qeverisë pas aksidentit konfirmoi se piloti humbi jetën në mënyrë tragjike.
Mediat polake raportojnë se avioni u rrëzua rreth orës 17:30 duke u djegur plotësisht.
Videot e bëra publike nga mediat e huaja tregojnë teksa avioni luftarak bie me shpejtësi dhe shpërthen në flakë.
Shërbimet e emergjencës nisën menjëherë operacionin e shpëtimit, pas rrëzimit të avionit, por piloti nuk u nxor.