Nënkryetarja e Partisë Demokratike të Kosovës, Vlora Çitaku, pas protestës së gazetarëve në Prishtinë, ka thënë se Kryeministri Kurti dikur mburrej me lirinë e mediave.
Sipas Çitakut, tash ai po i cënon këto vlera të lirisë së shprehjes, duke iu referuar rastit të Klan Kosovës, shkruan gazeta online Reporteri.net.
“Vazhdimisht vetë Kryeministri Kurti është mburrur me pluralizmin e madh medial, me lirinë e shprehjes në Kosovë, mirëpo fatkeqësisht këto vlera po cënohen pikërisht nga ata që janë në krye të shtetit”, deklaroi ajo në Klan Kosova.
“Kjo është forma më brutale e luftës kundër lirisë së shprehjes. Dhe pa informatë, pa lajme, pa media të lira, demokracia nuk funksionon, demokracia nuk funksionon në errësirë”, tha tutje Çitaku. /Reporteri.net/.