Dalin pamje të reja, 27-vjeçari “duke dhënë shpirt” u bart për në spital me duar të lidhura pas shpine

Mediat po vazhdojnë të publikojnë pamje nga momentet e fundit të 27-vjeçarit që vdiq në rrethana të dyshimta në Lipjan, pas arrestimit nga Policia.

Në pamjet e publikuara sot nga “Paparaci” shihet se i riu u bartë me autoambulancë drejt spitalit me pranga në duart e lidhura pas shpine, shkruan Reporteri.net.

27-vjeçari dyshohet se vdiq i prangosur disa momente pas arrestimit në rrugën “Haradin Bajrami” në Lipjan, në orën e parë të së hënës.

Lidhur me rastin janë arrestuar pesë policë, nën dyshimin për “Vrasje nga pakujdesia”.

Inspektorati ka rekomanduar suspendimin e të pesë zyrtarëve, një prej të cilëve është rreshter./Reporteri.net