Deputetët s’e përkrahin ndëshkimin e tyre për mospjesëmarrje në seanca

Deputetët në jo pak raste shkojnë në seanca për t’u nënshkruar dhe më pas ikin për të “shëtitur” apo kryer ndonjë punë private, ndërsa lën bosh vendin e punës që paguhen me taksat e kosovarëve.


Këtë praktikë ligjvënësit pritet ta vazhdojnë edhe në të ardhmen pasi Projekt-rregullorja e re e Kuvendit të Kosovës e cila është në procedurat e fundit për tu votuar në lexim të dytë por nuk po gjen përkrahjen e shumicës parlamentare që të ndëshkohen përtac.

Agnesa Haxhiu nga Instituti Demokratik i Kosovës duke përmendur risitë e rregullores e sheh të domosdoshme përfshirjen e sanksionimit të deputetëve që nuk marrin pjesë në punimet e Kuvendit.

Por kjo nuk është përkrahur nga deputetët punues për rregulloren e re.

Kryetarja e Komisionit Parlamentar për Legjislacion nga radhët e Vetëvendosjes, Albulena Haxhiu, konsideron se ndëshkimi i mospjesëmarrjes së deputetëve në punimet e seancës nuk është përkrahur nga vetë deputetët, trasnmeton RTV21.

Partia e saj nuk do t’i jap votën pro nëse nuk përfshihen amandamentet e propozuara.
Ndërsa zëvendëskryetari i Komisionit Parlamentar për Legjislacion nga radhët e PDK-së, Hajdar Beqa, i bën thirrje opozitës që të votojë pro rregullores të re të Kuvendit.

Për të kaluar edhe në lexim të dytë rregullorja e re e Kuvendit në votim duhet të marrin pjesë 2/3 e deputetëve të Kuvendit të Kosovës. /Reporteri.net/.