Deputeti i AAK-së i reagon Edi Ramës: Je në anën e gabuar

Deputeti i AAK-së, Muharrem Nitaj ka reaguar lidhur me deklaratën e kryeministrit të Shqipërisë, Edi Rama, i cili tha se askush nuk i ka kërkuar Haradinajt në Samitin e Berlinit heqjen e taksës por veç pezullimin për disa muaj.


Nitaj, përmes një postimi në Facebook, tha se “loja” me fjalë e Edi Ramës se nuk i ka kërkuar heqjen por pezullimin e taksës thotë se është neveritëse, shkruan Reporteri.net.

Nitaj pohon se nëse Edi Rama do që vërtetë të flas e ta ndihmojë Kosovën, duhet të mos marrë anë, jo vetëm në relacionin ndërmjet Kosovës e Serbisë, por as brendapërbrenda Kosovës.

Ndërsa, ishte kryeministri Haradinaj që një ditë më parë deklaroi se presidenti Thaçi dhe kryeministri Rama i kishin bërë presion më shumë sesa Vuçiqi në Berlin që ta heq taksën ndaj Serbisë.

Postimi i plotë i Nitajt:

“Deklarata e Edi Rames, nen dinjitetin e nje kryeministri
Nuk i jap te drejte vetes per te komentuar se cfare ka ndodhur ne Berlin, por loja me fjale e Edi Rames per mohimin se ai nuk i paska kerkuar Ramush Haradinajt heqjen e takses, por ia paska sugjeruar ne dy raste pezullimin e saj, eshte neveritese dhe nen diniitetin e nje kryeministri.
Aq me teper kur ne katrahuren gjuhesore te tij, i pervijohet edhe fjala genjeshter, ani se ne te njejtin shkrim te tij, edhe vet e pranon se ne dy raste i paska sigjeruar Haradinajt ta pranoje kerkesen per pezullimin e takses!
Pse si e paska konceptuar Edi Rama sugjerimin per pezullimin e takses!? Mbeshtetje jo se jo!! Nderkaq sugjerimi, per ne ne Kosoves, nuk eshte hiç me pak se kërkese!
Edi Rames nuk ia heq dot kush te drejten te flase per Kosoven, por kjo nuk do te thot se ai mund ta eklipsoje deshtimin e politikes se tij, duke vjellur vner ndaj vendimi sovran të Qeverise e të Kryeministrit të Kosovës!
Nese Edi Rama do qe vertete te flase e ta ndihmoje Kosoven, duhet te mos marre ane, jo vetem ne relacionin ndermjet Kosoves e Serbise, por as brendaperbrenda Kosoves, siç ne nuk po marrim anë ne perplasjen e madhe politike ne Tirane!
“Gojet e keqija”po flasin se Edi Rama, jo vetem se ka marre ane, por ka kohe qe eshte ne anen e gabuar!” (sic.), ka shkruar Nitaj.