DOKUMENT: Lista Serbe do të marrë pjesë në zgjedhjet në veri, vendos PZAP

Paneli Zgjedhor për Ankesa dhe Parashtresa i ka dhënë mundësinë Listes Serbe që të marrë pjesë në zgjedhjet e 19 majit që mbahen në katër komunat veriore të Kosovës.


Reporteri.net shkruajti më herët se ankesa e partisë serbe është pranuar nga PZAP.

Tani Reporteri.net ka siguruar edhe vendimin e sotëm, me të cilin anulohet vendimi i KQZ-së dhe obligohet ky institucion që ta certifikojë Listen Serbe.

Siqoqoftë, Komisioni Qendror i Zgjedhjeve mban mbledhjen e radhës në orën 16:00 ku edhe pritet të certifikohet partia serbe me seli në Mitrovicë të Veriut.

Ndryshe, Lista Serbe nuk u certifikua nga KQZ për të marrë pjesë në zgjedhjet e 19 majit në komunat Mitrovicë e Veriut, Zveçan, Zubin Potok dhe Leposaviq, pasi dy anëtarë të Lëvizjen Vetëvendosje votuan kundër, duke dhënë si arsyetim mosnjohjen e pavarësisë së Kosovës. Si argument, ata kanë përdorur letrat e dorëheqjeve ku ish-kryetarët i referohen Kosovës si “Kosova i Metohija”./Reporteri.net