×
  • Lajme
  • Lajme

    Gjykata në Prishtinë merr vendim për 4 luftëtarët e kthyer nga Siria

    Reporteri
    21 Prill 2019 | 15:45

    Nga një muaj para burgim i është caktuar katër të dyshuarve për terrorizëm, të kthyer nga Siria, shkruan Gazeta Exppress.

    Gjykata Themelore e Prishtinës u ka caktuar paraburgim prej 30 ditësh katër të dyshuarve se kanë luftuar për Shtetin Islamik, që janë kthyer dy ditë më parë në Kosovë.

    Vazhdimi i paraburgimit të katër burrave u bë me kërkesë të Prokurorisë Speciale.

    Institucionet e shtetit, në koordinim me ushtrinë amerikane kanë kthyer të premten mbrëma 110 persona në Kosovë. Prej tyre 32 gra, 74 fëmijë të lindur nga njëri prind me shtetësi kosovare (9 prej tyre u janë vrarë prindërit në luftën e Sirisë) dhe 4 burra, që dyshohet se kanë luftuar për organizatën terroriste ISIS.

    Gazeta Express ka raportuar dje ekskluzivisht se katër personat konsideroheshin nga organet e drejtësisë si persona me rrezikshmëri të lartë. Emrat e tyre janë Agon Misini, Arijan Kryeziu (Krujezi), Rexhë Tafaj dhe Visar Qukovci.

    Ndërkaq fëmijët dhe gratë e rikthyera nga Siria, janë vendosur në Qendren e Azilkërkuesve në Vranidoll të Prishtinës.

    Aty do të qëndronin 72 orë, para se tu dorëzoheshin familjeve që kanë në Kosovë.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!