Haradinaj pret Talat Xhaferin në kullën e familjes

Kryeministri i Kosovës, Ramush Haradinaj ka pritur sot në kullën e familjes në Gllogjan, kryetarin e Kuvendit të Maqedonisë së Veriut, Talat Xhaferi.


Në një postim në Facebook, Haradinaj ka shkruar se me Xhaferin biseduan për zhvillimet në dy vendet.

Më poshtë postimi i Haradinajt:

I nderuar ta mirëpres në Kullën e Hilmiut në Gllogjan, Talat Xhaferin, Kryetarin e Kuvendit të Maqedonisë së Veriut.

Bisedë vëllazërore për zhvillimet në Kosovë dhe në shtetin fqinj, me fokus interesat e shqiptarëve.

Vlerat e idealit të lirisë, demokracisë dhe përparimit janë elemente të pandryshueshme të qenësisë sonë kombëtare.