Kryeministri i vendit, Ramush Haradinaj, ka ironizuar me karriget në zyrën e tij.
Gjatë pritjes së ministrit të Jashtëm malazez, Srdjan Darmanoviq, tha se po kritikohet për ulëset në Kryeministri, por ai thotë se nuk do t’i ndërrojë ato.
Kjo për arsye se i ka dhënë fjalën ish kryeministrit, Isa Mustafa. Madje thotë se do t’i lejë ashtu deri sa të kthehet.
“Pom kritikojnë për karriga. Ja kom jep fjalën Isës, nuk i ndrroj. Du me i lon deri sa t’kthehet”, tha Haradinaj.
I pyetur se po pret që të kthehet Mustafa, kreu i ekzekutivit pohoi se po i ruan deri sa të kthehet.
“Tash po ja ruj deri sa tvjen, qitu tnjejtat i ka”, shtoi Haradinaj, raporton EO.
Madje humori i mirë i kryeministrit, reflektojë edhe me veprime të tjera.
Ai mori zëvendësin e tij, Behgjet Pacolli për ta zëvendësuar në pozitën e mysafirit, për një fotografi të momentit.
Haradinaj doli në anën e djathtë tek flamuri i Kosovës, si nikoqir, ndërsa Pacolli tek flamuri i Malit të Zi.
E gjithë kjo ishte një shaka e kryeministrit dhe ministrit të Jashtëm kosovar, Behgjet Pacolli.