Pas raportimit të mediave për deklaratën e Ministrit të Administratës së Pushtetit Lokal, Ivan Teodosijeviq i cili i quajti shqiptarët terroristë, ndërsa masakrën e Reçakut e ka quajtur të trilluar, zyrtari serb i Kosovës e ka humbur pozitën.

Kjo pasi kryeministri Haradinaj nga Amerika ka vendosur ta shkarkojë atë, duke i quajtur deklaratat si të patolerueshme, shkruan Reporteri.net.

“Është e pakuptimtë se si një deri sot kolegë i yni shprehet me aq injorancë, urrejtje dhe fyerje për viktimat e Reçakut, viktimat e tjera të regjimit të Millosheviçit dhe akceptimin dhe miratimin që ai i bëri terrorit të këtij regjimi”, ka shkruar ndër të tjera Haradinaj.

Ndër të tjera, Teodosijeviq ka akuzuar se populli i Kosovës ka bërë krime ndaj popullatës dhe policisë serbe në Kosovë.

Ndryshe, edhe ditë më parë Haradinaj shkarkoi një zyrtare të lartë serbe. Vesna Mikic e pësoi pasi tha se NATO kreu gjenocid në Serbi./Reporteri.net