Kupina: Qytetari i Prishtinës do të jetë kryefjala e çdo zhvillimi

Fehmi Kupina nga Lidhja Demokratike e Kosovës, është zgjedhur sot në rundin e tretë krysues i Asamblesë Komunale të Prishtinës, shkruan Reporteri.net.

Kupina, është zotuar se do të punojë me të gjithë.

“Sot zyrtarisht po e fillojmë një mandat të ri. Ky mandat do të jetë vazhdim i përkushtimit, punës, angazhimit të pandalshëm për të përmbushur kërkesat dhe nevojat e qytetarëve. Dua të uroj anëtarët e posazgjedhur të Kuvendit Komunal të Prishtinës duke iu dëshiruar sukses dhe punë të pa ndalë”, tha ai.

Kupina foli edhe për qytetarët.

“Plani ynë është i qartë. Qytetari i Prishtinës do të jetë kryefjala e çdo zhvillimi. Bashkë do t’i zgjedhim projektet e do t’i mbikëqyrim bashkë. Bashkë do t’i gëzojmë”, ka thënë ai.

Fehmi Kupina, kryesues i Asamblesë së Prishtinës