Kreu i VV-së, Albin Kurti dhe ai i LDK-së, Lumir Abdixhiku pritet të takohen pas pak, një ditë pasi Kurti kërkoi kohë shtesë për konstituimin e Kuvendit në mënyrë që të vazhdojnë diskutimet për një marrëveshje  rreth çështjes së presidentit.

Gazeta online Reporteri.net merr vesh se takimi pritet të nisë rreth orës 13:30. Dyshja do të takohen në ambientet e Kuvendit të Kosovës.

Kujtojmë se sot në mesnatë përfundon afati kushtetues për konstituim të Kuvendit të Kosovës.

Seanca e nisur një ditë më parë, u ndërpre me kërkesë të kryetarit të Lëvizjes Vetëvendosje, Albin Kurti, i cili ka kërkuar kohë shtesë për diskutime me përfaqësues të partive, me synimin për të arritur marrëveshje për çështjen e presidentit.

Kreu i LDK-së, tha dje se ka afrime me VV-në për shumë çështje, por dallimet mbesin në çështjet kryesore, siç është ajo e balancës së pushtetit./Reporteri.net/