Deputetit të Kuvendit të Kosovës me sa duket i është dukur e vogël shuma prej 20 mijë euro që Qeveria e Kosovës ka ndarë për t’i dalë në ndihmë Francës për rindërtimin e Katedrales Notre Dame që u dogj disa ditë më parë.

Labi ka vendosur që nga paga e tij të ndajë një mijë euro për rindërtimin e Notre Dames, shkruan Reporteri.net.

Lajmin të cilin e ka bërë të ditur përmes llogarisë së tij në Facebook, Labi e ka arsyetuar me faktin se po e bën këtë në shenjë falënderimi për Francën dhe ndihmën që ofruan në Kosovë gjatë kohës së luftës.