Përfaqësuesi special i BE-së për dialogun Kosovë-Serbi, Miroslav Lajçak në orën 17:00 do të zbres në aeroportin e Prishtinës.
Derisa sonte nga ora 17:30 do të zhvillojë takimet me kryeministrin Albin Kurti dhe kryenegociatorin, Besnik Bislimi, shkruan gazeta online Reporteri.net.
Ndryshe, Lajçak nesër do t’i takojë edhe liderët e opozitës, dhe përfaqësuesit e Listës Serbe.
Ioanna Lachana nga zyra e Bashkimit Evropian në Kosovë, konfirmoi sot për Gazetën Online Reporteri.net se vizita e Lajçakut zgjat dy ditë, sot dhe nesër.
“Po, vizita e tij në Kosovë është sot dhe nesër”, tha Lachana.
Derisa Gazeta Online Reporteri.net ka mësuar nga burimet emisari i BE’së gjatë vizitës në Prishtinë pritet të zhvilloje takim të përbashkët me drejtuesit e opozitës në Kosovë. Takimi parashihet të mbahet nesër në orën 10:15 në zyrat e Bashkimit Evropian në Prishtinë.
Lajçaku takon nesër krerët e opozitës, pritet t’ua prezantojë draftin e BE-së për Asociacionin
Burimet e Gazetës Online Reporteri.net kanë bërë të ditur po ashtu se Lajçaku, pritet t’ia prezantojë opozitës draftin e ri për Asociacionin e Komunave me Shumicë Serbe.
Por, kreu i LDK’së, Lumir Abdixhiku nuk do të shkojë nesër në takimin e thirrur në orën 10:15 në Zyrën e BE’së në Prishtinë. Në vend të tij, nga LDK’ja do të shkojë nënkryetari i partisë, Lutfi Haziri.
Këtë e ka konfirmuar vet Haziri në një bisedë për Gazetën Online Reporteri.net.
“Po. Nesër kam me taku”, ka konfirmuar shkurt Haziri.
Lutfi Haziri shkon nga LDK-ja tek Lajçaku për ta parë draftin “modern” të Asociacionit