Marrëveshja e Romingut e Kosovës me vendet e Ballkanit, hyn në fuqi nga korriku

Koordinatori Nacional i Ballkanit Perëndimor dhe Këshilltar i Kryeministrit Gazmend Abrashi ka njoftuar se marrëveshja e romingut në mes Shteteve të Ballkanit Perëndimor hyn në fuqi nga korriku i këtij viti.


“Sot në Beograd, u nënshkrua marrëveshja e romingut në mes të Shteteve të Ballkanit Perëndimor. Qytetarët e Kosovës nga Korriku i këtij viti suksesivisht do të paguajnë më pak llogaritë e telefonit në drejtim të këtyre shteteve”, ka shkruar Abrashi në facebook.

Këtë marrëveshje Kosova dhe vendet tjera të Ballkanit Perëndimorë e kanë nënshkruar gjatë Samitit Digjital të Ballkanit Perëndimor që po zhvillohet në Beograd.

Në marrëveshje është hedhur nënshkrimi i gjashtë vendeve të Ballkanit Perëndimor: Kosovës, Shqipërisë, Malit të Zi, Maqedonisë së Veriut, Bosnjës e Hercegovinës si dhe Serbisë. /Reporteri.net/.