Mbrëmë në Kosovë u kthyen edhe nëntë fëmijë prindërit e të cilëve u vranë në Siri

Në mesin e të kthyerve mbrëmë nga zonat e konfliktit janë edhe 9 fëmijë, prindërit e të cilëve janë vrarë gjatë luftimeve në Siri, këtë e ka bërë të ditur Drejtori i Policisë së Kosovës, Rashit Qalaj në një konferencë për media, shkruan Reporteri.net


Ai ka treguar se në total janë kthyer 110 persona prej tyre 4 luftëtarë, 32 gra dhe 74 fëmijë, në mesin e tyre janë 9 fëmijë pa prindër.

Këta persona kanë arritur në aeroportin e Prishtinës rreth orës 23:00 mbrëmë.

Personat e kthyer janë dërguara në qendrën e azilkërkueseve në Vranidoll, komuna e Prishtinës.

Ndryshe, rreth 80 kosovarë llogaritën të jenë vrarë gjatë luftimeve në Siri e Irak, derisa si xhihadistë i ishin bashkuar organizatave terroriste ISIS e Al-Nussra.