Në mes të Serbisë, Kosova nënshkruan një marrëveshje të rëndësishme

Shteti kosovar është paraqitur njëlloj si vendet e tjera të rajonit, dhe ka hedhur firmën në një marrëveshje të rëndësishme.

Bëhet fjalë për marrëveshjen e vendeve të Ballkanit Perëndimor për uljen e çmimit të Roamingut, shkruan Reporteri.net.

Kjo marrëveshje është nënshkruar nga ministri Valdrin Lluka, i cili është duke marrë pjesë në Samitin Digjital të Ballkanit Perëndimor.

Në marrëveshje është hedhur nënshkrimi i gjashtë vendeve të Ballkanit Perëndimor: Kosovës, Shqipërisë, Malit të Zi, Maqedonisë së Veriut, Bosnjës e Hercegovinës si dhe Serbisë.

Ndryshe, rreth çmimeve të Roaming ka pasur diskutimeve edhe bilaterale në mes të Kosovës dhe Shqipërisë, mirëpo kjo gjë u vendos në nivel rajonal./Reporteri.net