Nëntë persona kanë mbetur të lënduar si pasojë e një shpërthimi me granatë dorë që ka ndodhur sot në mëngjes në tregun e kafshëve në Prizren.
Incidenti i rëndë ka ndodhur rreth orës 04:50 të mëngjesit të së mërkurës, pas një konflikti mes dy palëve.
Policia ka njoftuar se ka arritur të identifikojë tre të dyshuar për sulmin. Një prej tyre është arrestuar në rajonin e Gjilanit, ndërkohë që dy të tjerë janë në kërkim policor.
Gazeta Online Reporteri.net ka siguruar informacione se një nga të dyshuarit (emër i njohur për redaksinë), për shpërthimin në Tregun e Kafshëve në Prizren, ka kërkuar ndihmë sot mjekësore në Kliniken Emergjente të QKUK në Prishtinë, ku edhe është duke u trajtuar.
Për rastin edhe njoftuar edhe Policia e Kosovës, e cila është duke e trajtuar informatën dhe pritet arrestimi i të dyshuarit.
Ndërkohë që sipas informacioneve zyrtare, 9 të plagosurit si pasojë e sulmit janë duke marrë ndihmë mjekësore në Spitalin Rajonal të Prizrenit.
“Sot me date 22.11.2023. rreth orës 04:50, policia ka pranuar informate për një rast plagosje te tregu i kafshëve ne Prizren. Nga informatat e pare dyshohet se 9 perona kane pësuar lëndime nga shpërthimi i një granata dore. Te gjithë te lënduarit janë ne emergjencën e Spitalit Rajonal te Prizrenit duke marrë trajtim mjekësor. Policia ka dal në vendngjarje dhe është informuar prokurori kujdestar gjithashtu”, ka njoftuar Policia e Kosovës.
Në vendngjarje kane dalë edhe njësiti i hetimeve rajonale të Prizrenit dhe janë duke mbledhur provat dhe dëshmitë, njofton PK’ja që ka shtuar se “tre te dyshuar janë identifikuar dhe janë ne kërkim policor”.
Nëntë persona janë plagosur mëngjesin e sotëm pas shpërthimit të një granate të dorës në tregun e kafshëve në Prizren. Shpërthimit i ka paraprirë një mosmarrëveshje mes disa personave. Sipas Policisë, fillimisht tregtarët u rrahën mes vete e më pas dy prej tyre aktivizuan dhe e hodhën mjetin shpërthyes.
Pesë të plagosur janë dërguar në QKUK për tretman mjekësor. Deri më tani një person është arrestuar ndërsa një tjetër po kërkohet ende nga policia.
Këta të fundit, në komentuesen e re lëshuar për media, bëjnë të ditur se “fillimisht janë dhënë informacione për tre persona të dyshuar që me vonë me zhvillimin e hetimeve policia ka gjetur se dy persona kanë qenë si kryes të veprës penale”.
“Ne vendin e ngjarjes kane dale edhe njësiti i hetimeve rajonale te Prizrenit të cilët kanë administruar me prova dhe kanë mbledhur dëshmitë. Fillimisht janë dhënë informacione për tre persona të dyshuar që me vonë me zhvillimin e hetimeve policia ka gjetur se dy persona kanë qenë si kryes të veprës penale, te cilët janë identifikuar dhe policia ka filluar kërkimin për ndalimin e tyre, pasi pas një mosmarrëveshjeje te çastit ndërmjet tregtareve te kafshëve fillimisht ka filluar një rrahje ndërmjet viktimave dhe te dyshuarve ku ne një moment te dyshuarit aktivizojnë dhe hedhin një mjet shpërthyes (lloji i panjohur për momentin)”, thotë Policia.
Njëri nga të dyshuarit u arrestua në rajonin e Gjilanit.
“Gjatë zhvillimit të operacionit për gjetjen dhe ndalimin e tyre ju njoftojmë se policia e Kosovës gjatë operacionit policor për këtë, përveç në vendin e ngjarjes ka kryer kontrolle edhe ne komunën e Gjilanit, ku është lokalizuar i dyshuari R.M, i lindur ne vitin 1982, i cili është shoqëruar ne polici për procedura te mëtejme hetimore dhe, me vendim te prokurorit të Shtetit ndalohet ne afat prej 48-ore, ndërsa operacioni policor është duke vazhduar në kërkim të personit të dytë të dyshuari, ku janë realizuar bastisje ne shtëpinë e tij”.
Arrestohet njëri nga të dyshuarit për shpërthimin në tregun e kafshëve në Prizren
Në kumtesë, Policia ka treguar edhe për kronologjinë e ngjarjes.
“Sot, me date 22.11.2023, rreth orës 04:50, policia ka pranuar informate për një rast te “Shkaktimit i rrezikut të përgjithshëm”, ku si pasojë ishin lënduar disa persona nja një mjet shpërthyes (lloji i panjohur për momentin), te tregu i kafshëve ne Prizren. Nga informatat e para është mësuar dhe dyshohet se 10 persona kane pësuar lëndime. Te gjithë te lënduarit fillimisht janë dërguar ne emergjencën e Spitalit Rajonal te Prizrenit duke ju ofruar trajtim mjekësor, ku pesë (5) prej tyre pas trajtimit lirohen për në shtëpi ndërsa pesë (5) tjerë transportohen për trajtim te mëtejmë ne QKUK”.
Policia menjëherë sapo ka pranuar informacionin ka dalë në vendngjarje dhe është informuar prokurori kujdestar njëkohësisht, tregon kumtesa.
“Policia rajonale ne Prizren së bashku me prokurorinë e Shtetit është duke punuar që të sqarohet në tërësi rasti i ndodhur te tregu i kafshëve në Prizren, ndërsa për të gjitha të gjeturat do të ju mbaj të informuar”. /Reporteri.net/.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
