Policia jep detaje për austriakun që u gjet i vdekur në rrethana të paqarta në një nga hotelet e Prishtinës

Një shtetas i Austrisë është gjetur i vdekur gjatë ditës së djeshme në një nga hotelet e kryeqytetit.

Përmes njoftimit 24 orësh, Policia ka bërë të ditur se rrethanat në të cilat shtetasi austriak ka ndërruar jetë, janë ende të paqarta, shkruan Reporteri.net.

Me vendim të prokurorit, trupi i pajetë i viktimës është dërguar për obduksion.

“Është raportuar se viktima mashkull shtetas i Austrisë derisa ishte duke qëndruar në një hotel, në rrethana të panjohura ka ndërruar jetë.  Njësitë relevante kanë dal në vendin e ngjarjes me ç’rast ekipi mjekësor ka konstatuar vdekjen e viktimës.  Me vendim të prokurorit trupi i pajetë është dërguar në IML për obduksion”, thuhet në raportin e Policisë. /Reporteri.net