Ministri i Jashtëm i Kosovës, Behgjet Pacolli ka reaguar pas ndalimit nga policia serbe të këshilltarit të Haradinajt, Srdjan Jovanoviq.

Ai ka kërkuar lirimin e menjëhershëm të Jovanoviqit, teksa ka kërkuar edhe reagimin e BE-së në lidhje me këtë rast.

“Dënojmë fuqishëm ndalimin dhe kërcënimin e serbëve të Kosovës nga aparati i sigurisë së Beogradit. Srdjan Jovanoviq nga Partia Liberale është ndaluar nga Policia e Serbisë. Ne kërkojmë lirimin e tij të menjëhershëm dhe dënimin e Bashkimit Evropian për presionin që Beogradi u bën serbëve të Kosovës”, ka shkruar Pacolli.

Më herët në lidhje me këtë çështje kanë reaguar edhe kryetari i Kuvendit, Kadri Veseli, si dhe kryeministri Haradinaj.