Pas dozës së madhe të kafesë, deputeti Bekë Berisha ia huqë Ditës Ndërkombëtare të Librit

Deputeti i AAK-së, Bekë Berisha, i cili e nisi ditën e sotme me 10 kafe, ndërkohë që gjatë ditës tha se numri i tyre shkon deri në 50 ia ka huqur ditës ndërkombëtare të librit, e cila në fakt u shënua dje, shkruan Reporteri.net.


Me sa duket doza e madhe e kafesë që mori ka bërë që deputeti Berisha të ngatërrojë datat.

“Uroj që sa më parë libri të kthehet në duart e lexuesve si e vetmja shpresë për një të ardhme të sigurt të shtetit tonë”, ka shkruar ndër të tjera Berisha në llogarinë e tij në Facebook.

Ky është postimi i tij i plotë:

Sot është dita ndërkombëtare e Librit. Kjo ditë paraqet ndarjen e errësirës, injorancës në njërën anë dhe të dritës e diturisë në anën tjetër.

Libri si një dritare e madhe e zgjerimit të diapazonit intelektual, për fat të keq ka rënë nën hijen e teknologjisë dhe rinia e ka lënë pas dore!

Uroj që sa më parë libri të kthehet në duartë e lexuesve si e vetmja shpresë për një të ardhme të sigurt të shtetit tonë. /Reporteri.net