Pas pesë muajsh, gazetat serbe kthehen në veri të Kosovës

Në kioskat në veri të Kosovës, këtë mëngjes, pas pesë muajsh, u rikthyen gazetat nga Serbia, transmeton Reporteri.net.


Nga kompania që merret me shpërndarjen e shtypit serb në Kosovë deklaruan për Radio Contact Plus  se çmimi i gazetave mbetet i njëjtë si në Serbi, përkundër taksës prej 100 për qind të vendosur nga Qeveria e Kosovës.

“Të gjithë botuesit, janë marrë vesh për uljen e çmimit, me qëllim të kompensimit të pjesës tjetër të taksës. Çmimet e tyre do të jenë të njëjta sikurse në Serbi’, thuhet në deklaratën e kësaj kompanie.

Ndryshe taksa e vendosur nga Qeveria e Kosovës, për produktet e importuara nga Serbia dhe Bosnje-Hercegovina, ka bërë që të rritet konsumi i produkteve vendase. /Reporteri.net