Hetimet për vrasjen Oliver Ivanoviqit javën e kaluar janë zgjeruar edhe tek dy individë tjerë. Gazeta serbe që merret me hulumtime Krik.rs shkruan se bëhet fjalë për Zvonko Veselinoviqin dhe Milan Mihajloviqin, të cilët sipas gazetës janë të akuzuar për katër vepra penale, transmeton Reporteri.net.

Kjo gazetë rikujton se më datën 12 prill, Prokuroria e Kosovës lëshoi ​​një vendim për nisjen e hetimeve ndaj dy personave, të dyshuar për pjesëmarrje në organizimin e një grupi kriminal, duke rrezikuar stafin e OKB-së dhe stafin mbështetës, si dhe për shkaktimin e rrezikut të përgjithshëm dhe për vrasje.

Kujtojmë se Oliver Ivanoviq u vra janarin e kaluar në ambientet e partisë së tij në Mitrovicën Veriore. Në nëntor, Nedeljko Spasojeviq, Dragisha Markoviq dhe Marko Roshiq u arrestuan, ndërsa Milan Radoiçiq, përndryshe kumbari i Zvonko Veselinoviqit u identifikua ai i dyshuari i katërt.