Vendi ynë këtë javë ashtu siç ka paralajmëruar Instituti Hidrometeorologjik i Kosovës është përshkruar me mot të ndryshueshëm, ku të marten kishte reshje shiu dhe më pas ngritje temperaturash.

Por së bashku me shiun e së martës ka ardhur edhe sasi e madhe e pluhurit nga shkretëtira e Saharë. Një pjesë e madhe së pari e ka mbuluar Spanjën, Francën, Kroacinë dhe më pas edhe Kosovën.

Faqja meteorogjike “Prishtina Weather” që drejtohet nga Mendim Rugova, njohës i kësaj fushe tregon se pluhuri saharian ka qëndruar edhe sot mbi qiellin e Kosovës dhe do të qëndroj akoma, shkruan Reporteri.net.

“Pluhuri saharian vazhdon të mbetet mbi qiellin tonë edhe ditën e sotme, siç edhe vërehet në foto. Edhe gjatë ditës së nesërme do të vazhdojë të mbuloj rajonin tonë, e nga dita e shtunë do të filloj të largohet”, shkruan faqja “Prishtina Weather”.

Sipas kësaj faqeje pluhuri ka ndikuar në reduktim të dukshmërisë. /Reporteri.net/.