Policia e blindon Kuvendin, njësitet speciale hyjnë brenda objektit

Njësite speciale të Policisë së Kosovës kanë “blinduar” objektin e Kuvendit të Republikës së Kosovës.

Ndërkohë që qytetarë po protestojnë para hyrjes së Kuvendit, disa pjesëtarë të njësiteve speciale të Policisë janë parë duke hyrë brenda objektit të Kuvendit.

Pamjet i ka publikuar portali “Indeksonline“.

Nga ana tjetër, njësite të shtuara janë vendosur edhe buzë hyrjeve të institucioneve tjera, si ato të Kuvendit, ashtu edhe të Qeverisë.

Kujtojmë se sonte është afati i fundit për zgjedhjen e presidentit, sakaq protestuesit po kërkojnë votimin në lexim të dytë të projektligjit për Dhomat e Specializuara.