Policia e Kosovës e ka konfirmuar tentimvrasjen e mbrëmshme në fshatin Sibovc të Podujevës, duke bërë të ditura edhe detaje të tjera.
Sipas tyre, rasti ka ndodhur rreth orës 22:30, ku disa plumba ishin shtënë në drejtim të një veture në lëvizje, shkruan Reporteri.net.
“Rreth orës 22:30 kemi pranuar informatën për të shtëna me armë në fshatin Sibovc të Podujevës. Sipas informatave fillestare dyshohet se me armë zjarri është shtënë në drejtim të një automjeti Golf VII, i cili po qarkullonte në drejtim të Podujevës”, ka thënë Ahmeti.
Automjeti është konfiskuar nga ana e policisë për ekzaminim, ndërkohë që hetuesit policor në bashkëpunim me prokurorinë përkatëse janë duke punuar në ndriçimin e kësaj ngjarje.
Sidoqoftë, mbrëmë Reporteri.net shkruajti lidhur me të shtëna në këtë fshat të Podujevës, e sot u mësua që personi ndaj të cilit u shkrepën plumbat është A.Potera, por motivet nuk dihen.