Policia e Kosovës jep detaje për rrahjen mes Petroviqit dhe anëtarëve të Listës Serbe

Gjatë ditës së djeshme deputeti serb i Kuvendit të Kosovës, Sllobodan Petroviq tha se është sulmuar nga anëtarë të Listës Serbe në një nga restaurantet e kryeqytetit. 


Petroviq tha se sulmi fizik erdhi pas kërcënimeve të vazhdueshme verbale që ai kishte marrë për disa muaj me radhë, shkruan Reporteri.net.

E Policia e Kosovës përmes raportit 24-orësh ka dhënë detaje lidhur me këtë ngjarje.

Sipas policisë gjatë ditës së dejshme, në rrugën “Fazli Grajqevci”, në Prishtinë, rreth orës 10:06, është raportuar se pas një mosmarrëveshje ka ardhur deri te rrahja në mes të tre të dyshuarve meshkuj K/serbë.

Policia thotë se të dyshuarit nuk kanë pranuar tretman mjekësor.

Me vendim të prokurorit, tre të dyshuarit pas intervistimit janë liruar në procedurë të rregullt./Reporteri.net