Policia e Kosovës ka marrë masa të menjëhershme pasi nga zyrtarët shtetërorë u kërkua ndalja e punës së kazinove dhe lojërave të fatit.
Mirëpo ,tani për tani, Policia në operacion ka vetëm një aksion kontrollimi, shkruan Reporteri.net.
Këtë gjë e ka bërë të ditur zëdhënësi i Policisë së Kosovës, Baki Kelani, i cili theksoi se aksioni është i shtrirë në gjithë territorin e Kosovës.
Informacione më të detajuara nuk ka dhënë Policia, me arsyetimin se operacioni është akoma duke u zhvilluar.
Sidoqoftë, sot kryeministri Ramush Haradinaj dhe kryeparlamentari Kadri Veseli, kanë përkrahur idenë për pezullimin e punës së kazinove dhe lojërave të fatit.
Ndryshe, dje 49 deputetë të Kuvendit të Kosovës morën iniciativë për ndikuar në mbylljen e këtyre bizneseve, duke u arsyetuar me gjendjen pas vrasjes së dy punëtorëve në vendin e punës./Reporteri.net.