Kryeministri i Shqipërisë, Edi Rama ka uruar Pavarësinë e Kosovës në 18-vjetorin e saj.

Përmes një postimi në Facebook, Rama tha se Kosovës ia uron pavarësinë me keqardhjen që sot nuk mund të jetë në manifestimin popullor “Drejtësi, jo politikë”.

“I uroj Kosovës gëzuar pavarësinë me keqardhjen që s’mund të jem sot në manifestimin popullor të solidaritetit me katër pengjet e UÇK-së në ferrin e (pa)drejtësisë ndërkombëtare në Hagë”, ka shkruar Rama.

Rama qëndroi dje për vizitë në Prishtinë, ku pati takime me krerët e shtetit.