Një objekt është shembur në Fushë-Kosovë, ndërsa në vendin e ngjarjes kanë dalë menjëherë ekipet e emergjencës.
Policia ka konfirmuar se ngjarja ka ndodhur në rrugën “Elez Berisha”, në Zonën Industriale në Fushë-Kosovë.
Sipas Policisë, “është shembur një pllakë nga një ndërtesë, e cila është në ndërtim e sipër”.
“Rreth ores 20:30 kemi pranuar informatën se në rrugën ‘Elez Berisha’ në zonën industriale në Fushë Kosovë është shembur një pllakë nga një ndërtesë e cila është në ndërtim e sipër. Në vendin e ngjarjes menjëherë kanë dalë njësitet e nevojshme policore. Përveç dëmeve materile nuk raportohet për persona të lënduar. Lidhur me këtë ngjarje janë njoftuar institucionet kompetente”, ka deklaruar për Reporteri.net zëdhënësja e policisë për rajonin e Prishtinës Flora Ahmeti. /Reporteri.net/.