Erërat e forta që po mbretërojnë në vend nuk e kanë penguar një punëtor në Prishtinë në lagjen “Dragodan” që të hip në një vinç pa masa sigurie.

Siç shihet në këtë video  një punëtor i cili pavarësisht se nuk është siguruar me masa mbrojtëse ka hipur në vinç që besohet të jetë më i lartë se 30 metra.

Madje, punëtori që vazhdon të qëndrojë në atë lartësi, nuk ka asnjë pajisje të punës; pa kapelë mbrojtëse edhe pa doreza dhe kështu rrezikon jetën e tij.

Kujtojmë se raste të ngjashme janë shënuar edhe në të kaluarën.

Një punëtor i “Bechtel Enkas”, kishte mbetur dy orë i varur në vinç si pasojë e një rrëzimi të vinçi në segmentin e fundit të pjesës së urës të autostradës, “Arbën Xhaferi”. Si pasojë e kësaj prishje të lënduar kishin mbetur edhe pesë puëntorë tjerë.

Kujtojmë se gjatë ditës së djeshme një punëtor, që ishte duke punuar në renovimin e ish-hotel “Adreatikut” në Mitrovicë ka ndërruar jetë. /Reporteri.net/.