Përfaqësuesi për Politikë të Jashtme dhe Siguri i bllokut evropian, Josep Borrell në mbledhjen e sotme të Këshillit të Sigurimit të OKB-së ka folur për dialogun Kosovë-Serbi, shkruan Gazeta Reporteri.net.

Borrell ka thënë se dialogu i ndërmjetësuar nga BE-ja për normalizim të marrëdhënieve mes Kosovës dhe Serbisë është në një moment vendimtar.

“Josep Borrell në seancën e sotme të Këshillit të Sigurimit të OKB-së: Dialogu Beograd-Prishtinë i ndërmjetësuar nga BE për normalizimin e marrëdhënieve është në një moment vendimtar”.

“BE-ja u ka paraqitur palëve një propozim që do ta vendosë procesin e normalizimit në një rrugë solide dhe largpamëse”, tha Borrell.

I will host both parties in Brussels next week and hope they will engage constructively and seize this unique opportunity.

— European Union in Kosovo (@EUKosovo) February 23, 2023

Ai gjithashtu ka thënë se do të pres gjatë javës së ardhshme në Bruksel të dyja palët dhe shpreson që ato të shfrytëzojnë këtë mundësi.

“Unë do të pres të dyja palët në Bruksel javën e ardhshme dhe shpresoj që ata të angazhohen në mënyrë konstruktive dhe të shfrytëzojnë këtë mundësi unike”, tha Borrell në mbledhjen e Këshillit të Sigurimit të OKB-së./Reporteri.net/