Presidenti i Kosovës, Hashim Thaçi, bashkë me ministrin e Jashtëm, Behgjet Pacolli në këto momente kanë hyrë në takim me Shefen për Politikë të Jashtme të BE-së, Federica Mogherini.

Në takim nuk është parë duke shkuar kryeministri Ramush Haradinaj, shkruan Reporteri.net.

Tashmë dihen marrëdhëniet e acaruara të kryeministrit kosovar me shefen për politikë të jashtme të BE-së.

Takimi po zhvillohet në kuadër të Samitit të Berlinit që po mbahet sot me përfaqësuesit e shteteve të Ballkanit Perëndimor, njofton Klan Kosova.

Në takim me Mogherinin para delegacionit të Kosovës, ka qenë delegacioni i Serbisë me në krye Aleksandër Vuçiqin.