Dyzet ushtarë të KFOR-it, duke përfshirë edhe pjesëtarë të Ushtrisë Shqiptare, kanë qëndruar sot në Mitrovicën e Veriut.
Rreth orës 11:00, një grup ushtarësh vizituan urën kryesore dhe pastaj shëtitoren kryesore të Mitrovicës së Veriut. Ushtarët shqiptarë me trupat e KFOR-it qëndruan në veri përgjatë një ore.
Ndaj pranisë së ushtarëve shqiptarë në veri të Mitrovicës janë ankuar banorët serbë të cilët janë shprehur se prania e tyre ka shkaktuar ankth në mesin e banorëve, transmeton Reporteri.net.
Kështu shkruan sot gazeta serbe “Blic” e cila bazohet në deklarimet e dëshmitarëve.
“Askush nuk tha asgjë sepse njerëzit u tronditën. Askush nuk mund ta besonte. Të gjithë e kuptuam këtë si provokim”, citohet të ketë thënë një nga banorët për gazetën serbe Blic./Reporteri.net